မင်္ဂလာပါဗျာ  😁

 

 မင်္ဂလာပါဗျာ    😁

''စောနေသလားကွဲ့ ''

''စောနေသလားကွဲ့ ''
---------------
နွေဦးပေါက်တော့ မည်လား..။
တွန်သံချို
နွေကြိုလင့် 
ဥသြ ငယ်တစ်ချို့ 
ကိုင်းကြီးတွေထက်မှာ...။

 ရာသီ အခါမညီ
အချိန်မဲ့ 
တွန်သံပေးလို့ ..။

 စောနေသလား ကွဲ့ ..။


 ပေါ်မလာ ကြာခဲ့ တဲ့ 
ဆောင်းအအေးဓာတ်လေးကိုမှ
ခံစား ....
ဘ၀ အမောလေးတွေ
တဒင်္ဂ ဖြေလို့ မှ
မ၀သေးခင်။..။

( ၉၊ ၂ ၊၂၀၁၈ )

စက်ဘီးလေးဟာ ကိုယ့် အဖေါ် ...ကိုယ့် စိတ်အာရုံတွေက တိမ်တွေကို စီး ကာလသုံးပါးမှာ အပြန်ပြန်အလှန်လှန် လွှင့် မျောလို့ ပေါ့ ..''

'စက်ဘီးလေးဟာ ကိုယ့် အဖေါ် ...ကိုယ့် စိတ်အာရုံတွေက တိမ်တွေကို စီး ကာလသုံးပါးမှာ အပြန်ပြန်အလှန်လှန် လွှင့် မျောလို့ ပေါ့ ..''
-----
ညက လမ်းထဲကပျော်ပွဲရွှင်ပွဲအသံတွေက သန်းခေါင်နားနီးမှပြီးသွားတယ် ၊ဒါနဲ့ အိပ်ယာဝင်နောက်ကျသွားတယ် ၊ အိပ်ပျေိာတစ်ချက်မပျော်တစ်ချက် ဖြစ်နေရင်းက မထူးပါဘူးဆိုပြီး ခါတိုင်းထက်စောပြီး မနက်၃နာရီလောက်မှတင် ဘီးကိုဆွဲထုတ်
ပြီး အိမ်ကနေထွက်ခဲ့ လိုက်ရော နဂိုကတည်းကတော့ နဲနဲစောထွက်မယ်လို့ တော့  စိတ်ကူးတော့ ရှိထားတာပေါ့ လေ ၊ အဲ့ ဒါက ဒီလိုကြောင့် ပေါ့ လေ ၊

ရန်ကုန်မြို့ ကြီးရဲ့ စတိုင်တစ်ခုက ပွဲတော်ကြီးတွေပြီးသွားလို့  နောက်မနက်ခင်းဆို တကယ့် ကို ကားသွားကားလာရော လူသူတွေသာမက လမ်းမကြီးတွေပေါ်မှာ တွေ့ ရတတ်တဲ့ ခွေးအစုအစုလေးတွပါ ရှင်းလင်းနေတတ်တယ် ၊ အဲ့ အချိန်လေး ဟာမြို့ ကြီးဟာ ထူးထူးခြာခြားကို တိတ်ဆိပ်ငြိမ်သက်လွန်းလို့ လမ်းမကြီးတွေဟာ ခြောက်ခြားစရာ တောင်ကောင်းနေသလိုပါပဲဗျာ ၊ တစ်ဖက်ကတွေးရင်တော့  အဲ့ ဒီလောက် လူသူရှင်း သတ္တ၀ါနဲ့ တူတာဆိုလို့ ကိုယ်တစ်ယောက်ထဲပဲ လမ်းတွေပေါ်မှာ ဆိုတဲ့  အခြေအနေမျိုးဟာ ရတောင့် ရခဲ မနက်လိုဖြစ်ပြီး တစ်မျိုးတော့  စိတ်ကို ပျော်နေပြန်စေတယ် ၊ အဲ့ လို အခြေအနေမျိုးကို တစ်ခါတစ်ရံ လိုချင်နေ သဘောကျနေတတ်တော့ လေ ၊ တစ်လောကလုံး အိပ်မောကျလို့  မိုးအောက်မြေပြင်မှာ ကိုယ့် တစ်ယောက်ထဲ လမ်းမကြီးတွေပေါ်မှာ ...စက်ဘီးလေးဟာ ကိုယ့် အဖေါ် ...ကိုယ့် စိတ်အာရုံတွေက တိမ်တွေကိုစီး ကာလသုံးပါးမှာ အပြန်ပြန်အလှန်လှန် လွှင့် မျောလို့ ပေါ့ ..။..

ဆောင်းဦးပေါက်လျင်...

ဆောင်းဦးပေါက်လျင်...
-------
မကြာခင် မိုးကုန်လို့  ဆောင်းဦးရာသီ ရောက်တော့ မယ်ပေါ့ လေ ၊ ဆောင်းနဲ့  ပတ်သက်လာရင် သတိရစရာတွေ အများကြီးပေါ့  ၊ အဲ့ လို သတိရစရာတွေ အများကြီးထဲမှာ ကျနော့် အမေနဲ့  ကျနော်နဲ့  သားအမိ နှစ်ယောက်သား ကုန်ကြွေးသိမ်း ခရီးတွေ ထွက်ခဲ့ ရတာကိုလည်း သတိတရ ဖြစ်မိတတ်တယ်...။ ကျနော်က သားကြီး သြရသဖြစ်နေ အရွယ်လည်း ရောက်နေတော့  အမေက အထူး အားကိုးပုံရပါတယ် ၊ အမေ့ ခရီးစဉ် အတော်များများမှာ ကျနော်က အမေ့ သားကြီး အဖြစ်နဲ့  အမြဲလိုလို လိုက်ပါနေရတာမျိုးပေါ့  ၊ အဲ့  ဒါကြောင့် လဲ နောက်တော့  ကျနော် အသိ တစ်ခု ရလာတဲ့  အရွယ်ရောက်လာတဲ့ အခါ အမေ့ ရဲ့  သားအပေါ် မျှော်လင့် ချက်တွေ အားကိုးချက်တွေ ယုံကြည်ချက်တွေ သားကို အရွယ်ရောက်လူအဖြစ် လူရာသွင်း ဂုဏ်တင်လိုမှု့ တွေ ကို ကျနော် ခံစားမိလာပြီး...ကျနော့် ဘ၀ခရီးမှာ အမေဟာ ကျနော့် စာတွေထဲ မကြာခဏ ပါလာ ရေးဖွဲ့ မိနေတတ်တဲ့  သဘောဖြစ်လာပုံရပါတယ် ။
------------------
အမေနဲ့ အတူတူ သွားခဲ့ ရတဲ့  ဆောင်းဦးပေါက် ရာသီ ကုန်ကြွေးသိမ်း ခရီးစဉ်တွေမှာ အမှတ်ရစရာတွေ အများကြီးထဲက အမှတ်တရ ခရီးစဉ်တစ်ခုကတော့  ပြည် အောင်လံ သရက် ခရီးစဉ်ပါပဲ ၊ အဲ့ တုန်းက အဲ့ လို ခရီးစဉ်တွေဟာ ရန်ကုန် ကီလီလမ်း ကားဂိတ်ကနေ ညကားတွေ စီးထွက်ရပါတယ် အစောဆုံးက ည၈နာရီကားပေါ့  နောက်အကျဆုံးကားက ည၁၀နာရီ ပေါ့ လေ..။ အဲ့ လို အဝေးပြေးကားတွေ စီးသွားရင် ပြည်ကိုကျော်လို့  အောင်လံကို မနက် ဝေလီဝေလင်း ၅နာရီလောက်မှာ ရောက်လေ့ ရှိပါတယ် ၊
----------
အညာဖက်ရောက်လာလေလေ ဆောင်းအအေးဟာ နေ့ ပူလို့  ညချမ်း သဘောပိုဆောင်လာပြီး ညသန်းခေါင်ကျော် ကားနားစခန်းမှာ အညောင်းပြေ ခဏမတ်တတ် ဆင်းရပ်နေရင်းကကို တစ်ကိုယ်လုံး တုန်တက်လာအောင် ချမ်းလာတတ်ပြီး ရပ်နေရင်းကကို လူဟာ ဘေးတိုက်လေး ရွေ့ သွားတတ်တဲ့  အထိ ချမ်လွန်းတတ်ပါတယ် ၊
----------------------
အောင်လံမှာ ကုန်ကြွေး သိမ်းစရာတွေ ရှိနေပေမယ့်  သရက်ဖက်က ကုန်ကြွေးကို အရင်သိမ်းဖို့  သရက်ဈေးဖွင့် ချိန်အမှီ အောင်လံ သရက် ကူးတဲ့  ကူတို့ မော်တော်ကြီးနဲ့  အရင် ကူးရပါတယ် ၊ ကူတို့ မော်တော်ကြီးရဲ့  ပထမခေါက်က မနက် ၆ နာရီမှာ အောင်လံကနေ သရက် စကူးတယ်ပေါ့ လေ.. လမ်းကြာချိန်ဟာ ရေစုန် ဖြစ်လို့  နာရီဝက် လေးဆယ့် ငါးမီးနစ်လောက်ပဲကြာတတ်ပါတယ် ၊
--------
အမေဟာ အောက်ခံ ယုန်မွှေးဆွယ်တာဝတ်ထားတာမျိုးအပြင် ခြုံပုဝါတွေ ပတ်ခြုံထားလို့ ပေါ့  ၊ ကျနော်က ဂျင်းဂျာကင်လေးနဲ့  မာဖလာ အပါးလေးနဲ့ ပေါ့  ..၊
------
မိုးအကုန် ဆောင်ဦးးမနက်ခင်းတွေရဲ့  ဧရာဝတီ မြစ်ရေပြင်ဟာ မြူလိုလို နှင်းလိုလို နဲ့ ရေခိုးလေလား နှင်းမြူလား ခွဲခြားရ ခက်လောက်အောင် မပီဝိုးတ၀ါး ဆန်လှသလို မြစ်ရေပြင်ကို ဖြတ်သန်းတိုးဝှေ့ လာတဲ့  ဆောင်းလေအေးတွေဟာ သွားတွေ တဂတ်ဂတ် ရိုက်လာအောင် အအေးဓာတ် ပိုတတ်ပါတယ် ၊ ရန်ကုန် အနေကြာသူတွေဟာ အဲ့ လို အေးလွန်း ပူလွန်းတဲ့  သဘောတွေကို ကြုံနေမကျလို့  သိပ်အေးတာပဲလို့  ခံစားမိပေါ့ လေ ၊
---------
အေးလို့  ကိုယ်ကို ကြုံ့ ပြီးပြီး မော်တော်ပေါ်လိုက်နေရပေမယ့်  ရှေ့  ၀ါး နှစ်ပြန် သုံးပြန်လောက်တောင် သဲသဲကွဲကွဲ မမြင်ရလောက်အောင် နှင်းမြူတွေ ကျနေတဲ့  ဧရာဝတီ မြစ်ပြင်ကျယ်ကြီးရဲ့ မြစ်လယ်ဘေးက သဲသောင်ခုံတွေဟာ နေ အပြူ အလင်း မပေါက်တစ်ပေါက်မှာ သိပ်ကို လှနေတာပါပဲလားလို့ လည်း ခံစားမိပေါ့လေ.. ချမ်းနေတဲ့ ကြားကပေါ့  ။ (တကယ် အေးပြီဆိုတော့  ကျနော် ၀တ်ထားတဲ့  ဂျင်းဂျာကင်က သူ့ အသားကကို ကျနော့် ကို ပြန်အေးလာတာမျိုးပဲ )
------
အဲ့ မှာ အမေရယ်ပေါ့ ....ကျနော် သွားချင်းရိုက်ပြီး ချမ်းနေတာကို သတိထားမိသွားလို့  သူ့ ခြုံပုဝါလေးကို ကျနော့် ကိုလှမ်းပေးပြီး....''ရော့  သား ခြုံထားလိုက် အမေ ရတယ် မချမ်းဘူး '' တဲ့ ...အမေ့ ရယ် ကျနော့် ကို သနားပြီး.....ပြုံးပြီးတော့ လေ....။၊
-------
အမေဟာ ကျနော့် ကို ''သား ''လို့  ကျနော့် ကို တဲ့ တဲ့ ခေါ်ခဲပါတယ် ၊ အမည်တတ်ပြီး မောင်သီဟလို့ သာ အများအားဖြင့်  ခေါ်ခဲ့ သူမျိုးပေါ့  သူများတွေနဲ့ ဆို ကျမသားကြီးက ဘာညာပေါ့ လေ ...၊ အမေ့ ရဲ့  မခေါ်စဘူး အခေါ်ထူး... ''သား ''လို့  ခေါ်လိုက်ခံ ရတဲ့ အခါတိုင်းမှာ အမေဟာ ကျနော့် ကို ပုံမှန်ထက် ကရုဏာ ဖြစ်နေပြီလို့  ကျနော် သတိထားမိခဲ့ ပေါ့ ...
----------------
ဆောင်းဦးပေါက်ရင် အလွမ်းစိတ်တွေ ဖြစ်ဖြစ်လာတတ်သမျှ ...အလွမ်းသင့် သူတွေ ကို လွမ်းမိတတ်သမျှတွေထဲ အမေ နဲ့  အတူတူ သားအမိနှစ်ယောက်ထဲ သွားခဲ့ ရတဲ့  အညာခရီးစဉ်တွေကိုလည်း လွမ်းမိတတ်ပါရဲ့ လေ..။

တစ်ခါက ပြည်မြို့ ခေတ္တရာမြို့ သစ်လေးမှာ .( သိင်္ဂါရအလွမ်း)

တစ်ခါက ပြည်မြို့ ခေတ္တရာမြို့ သစ်လေးမှာ .( သိင်္ဂါရအလွမ်း)
----------
နွေကျောင်းပိတ်ရက်တွေမှာ ပြည်မှာ အဖွားနဲ့ သွားသွားနေတုန်းကပေါ့ ၊ အတော်တော့ ကြာခဲ့ ပါပြီ ၊ အဖွားက ပြည် ခေတ္တရာမြို့ သစ်ဈေးလေးမှာ မနက်ပိုင်းမုန့် ဟင်းခါးဆိုင်လေးထွက်တယ် အဖိုးက ဆိုင်းထမ်းကြီးနဲ့  ပန်းကန်ခွက်ယောက်တွေ မုန့် ဟင်းရည်အိုးတွေ ထမ်းပြီးလိုက်ပို့ ရတယ် အဖွားက ဗျပ်ဘန်းတောင်းကြီးခေါင်းပေါ်ရွက်ပြီး အဲ့ ထဲမှာ မုန့် ဖတ်တွေ ဆီချက်ခွက် အကြော်စုံတွေထွေလီကာလီစုံနဖာစိတွေ ပေါ့  အဖွားအိမ်က မြို့ သစ် အတွင်းပိုင်းထဲမှာဆိုတော့  မနီးမဝေးလေးပေါ့ လေ၊ မနက်ပိုင်းရောင်းပြီး ထမင်းစားချိန်လောက်ဆို ပြန်လာတယ် ၊ ပြန်လာရင် မြေးတွေအတွက် စိန်ပန်းသုပ်တို့  အမဲသားလုံးကြော်တို့  အကြော်စုံလေးတွေ တို့ ဟူးကြော်လေးတွေ ၀ယ်လာလေ့ ရှိတယ် ၊

ဈေးသိမ်းပြန်လာပေမယ့်  အိမ်မှာ တစ်နေကုန်ပြန်နားနေတာမျိုး မဟုတ်ပဲ နေ့ လည် တစ်နာရီကျော်လောက်ဆို မြို့ သစ်ထဲ မုန့် ဟင်းခါး ဟင်းရေတွေ မုန့် ဖတ်တွေနဲ့ ခေါင်းပေါ် တောင်းတင်ပြီး လည်ရောင်းပြန်ရောဗျာ အဲ့ မှာတော့ တစ်ကိုယ်တော်မို့ လို့  ခေါင်းတစ်ရွက်စာ နဲနဲပေါ့ လေ ၊ အဲ့ လို ခေါင်းပေါ်ရွက် လည်ရောင်းတော့ လည်း ကုန်တာပါပဲ ၊ အာပေးကြသူ အတော်များတယ်ကိုးလေ ၊ ကျနော်တို့ လည်း တစ်ခါတစ်လေ ဈေးထဲလိုက်သွားတတ်ပေမယ့်  နေ့ လည်ဖက်ကိုတော့  ပူလို့  ပေးမလိုက်ပါဘူး အဲ့ တုန်းက မြို့ သစ်လမ်းတွေအတော်များများက သဲထုတွေက ခြေရုန်းရခက်လောက်အောင်များတယ်လေ မြေးတွေကို သဲပူမိမှာစိုးလို့ ပေါ့ လေ ၊

နေနဲနဲစောင်းတော့ ပြန်ရောက်လာပြီး ခဏနား ဟိုလုပ်ဒီလုပ်နဲ့  ဆုံလည်နဲ့  မုန့် ကြိတ်ရပြန်ရော အဲ့ မှာတော့  အဖိုးတို့  ဦးလေးတို့ က ၀င်ကူဝိုင်းကြိတ်ကြတယ် ( အဖိုးက မြို့ ထဲမှာ အလုပ်သွားလုပ်ရပြီး ဦးလေးက စက်ချုပ်တယ် ) ကြိတ်ပြီးရင် ညှပ်ခေါက်ဆွဲဖတ်တွေ ကိုယ်တိုင်ထိုင်လုပ်ရပြန်ရော အဖွားလုပ်တဲ့ ညှပ်ခေါက်ဆွဲဖတ်က အသားထူပြီး လတ်ဆတ်လို့ လူကြိုက်များတယ် ထမင်းနဲနဲထပ်ဖြည့် လိုက်ရင် ဗိုက်လည်းဝတယ်ပေါ့ လေ ၊ ၊

အဖိုးအဖွားတွေက စစ်ပြေးရင်း ပြည်ရောက်လာသူတွေဖြစ်ပြီး သူတို့  မူလဇာတိရွာက ရေကြည်အသုပ် ငါးသိုင်းချောင်းနယ်ထဲက အတော်ခေါင်တဲ့ ရွာလေးကဖြစ်ပြီး ဧရာဝတီမြစ်ဝကျွန်းပေါ်သူတွေပေါ့ လေ အဲ့ တော့  ဧရာဝတီမြစ်ဝကျွန်းပေါ်သားတွေရဲ့ လက်ရာစတိုင်အတိုင်း ငါးများများနဲ့  မုန့် ဟင်းခါးချက်ရောင်းတာမျိုးပေါ့  ...အဲ့ မှာ တစ်နှစ်တစ်လေတွေမှာ နွေဦးပေါက်ရင် ပြည်မှာ ၀မ်းပျက် ၀မ်းလျှောရောဂါတွေ ဖြစ်လေ့ ရှိခဲ့ တယ် ၊ အဲ့ လို ဖြစ်လာရင် မုန့် ဟင်းခါး လက်သုပ်စုံတွေ မရောင်းရဆိုပြီး အစိုးရက ပိတ်ရော ၊ အဲ့ တော့  မနက်ပိုင်းဆိုင်မထွက်ရတာ နှစ်ပတ်သုံးပတ်လောက်ကြာတတ်တယ် ၊

ဒါပေမယ့်  အဖွားတို့ အိမ်ကို မုန့် ဟင်းခါးရောင်းတဲ့ အိမ်မှန်း အရပ်က သိနေကြလို့  အိမ်အထိလာလာဝယ်ကြတယ် ၊ အဲ့ တော့  မနက်ပိုင်းဆိုင်မထွက်ရပေမယ့်  မနက်စောစော အိမ်မှာတင် မုန့် ဟင်းခါးချက်ရောင်းနေရသေးတယ်ပေါ့ လေ ၊ အဲ့ လို ရောင်းတဲ့ အခါမှာ မုန့် ဟင်းခါးဖတ်တွေတော့  မပါတော့ ပဲ ကိုယ်တိုင်လုပ် ညှပ်ခေါက်ဆွဲဖတ်နဲ့ ချည်းရောင်းရတော့ တာမျိုး ဒါလည်း ကုန်တာပါပဲ ၊ အဲ့ လိုအချိန်မျိုးကြမှ နေ့ လည်ပိုင်း ခေါင်းပေါ်ရွက်ပြီး အရပ်ထဲ မုန့် ဟင်းခါးလည်ရောင်းတာလေး အဖွားခမျာ နားရတော့ တယ် ၊

အဲ့ လောက် အဖိုးရော အဖွားပါ အလုပ်အရမ်းလုပ်ခဲ့ ရပြီး အဲ့ အဖိုးရဲ့ ပွဲရုံဆင်းလို့ ရတဲ့ ငွေလေးရယ် အဖွားရဲ့  မုန့် ဟင်းခါးကို ၂ ချိန်ရောင်းလို့ ရတဲ့  ငွေလေးတွေ ခြစ်ခြစ်ချုပ်ချုပ် စုပြီး အိမ်ဝိုင်းလေး တစ်ခု ၀ယ်ခဲ့ တာမျိုးပေါ့ လေ..၊ မုန့် ဟင်းခါးရောင်းတဲ့ အိမ်ဖြစ်တော့  ဗိုက်ဆာရင် ထွေလီကာလီတွေ စားစရာမလိုပဲ အဖွား မုန့် ဟင်းခါးပဲ ဆွဲတီးပစ်လိုက်တော့ တာပါပဲ ဘေးအပိုငွေ မကုန်တော့ ဘူးပေါ့ လေ ၊ အဖိုးအဖွားတွေ ကွယ်လွန်လို့  ဦးလေးရော အမေပါ ရန်ကုန်အထိုင်တွေ ဖြစ်လာတော့  အဲ့ အိမ်ဝိုင်းကို အမွေတွေခွဲ ပြန်ရောင်းစားမလုပ်ကြပဲ အဖေတို့ အမေတို့  ဦးလေးတို့ တွေ တိုင်ပင်ပြီး အရပ်ထဲက ဆွမ်းလောင်း ဓမ္မာရုံကို သာသနာရေးကိစ္စတွေမှာ သုံးဖို့  ရေစက်ချ လှုလိုက်ကြတယ် ၊

အဲ့ မှာ ၂ ဆင့် လုပ်ရတာက အဲ့ အရပ်ထဲက ဆွမ်းလောင်းဓမ္မာရုံကို အပြီးလှုတော့  ဓမ္မာရုံလူကြီးတွေက တိုင်ပင်လာတာက အဲ့ အိမ်ကို ရောင်းပြီး ရတဲ့ ငွေကို အစိုးရဘဏ်မှာအပ်ပြီး တစ်နှစ်တစ်နှစ်ရတဲ့ ဘဏ်တိုးငွေနဲ့  ၀ါတွင်းသုံးလပတ်လုံး ဆွမ်းလောင်း ရံပုံငွေလုပ်ရင်ကောင်းမယ်ပေါ့ လေ ၊ အဲ့ အကြံကောင်းတယ်လို့ အားလုံးက သဘောလည်းတူရော တစ်ထိုင်ထဲပဲ ၀ယ်လက်က သူလည်း ကုသိုလ်ပါပါရစေဆိုပြီးအဲ့ အချိန်က ကာလပေါက်ဈေးထက် ဈေးပိုပေးဝယ်သွားပါရောဗျာ.. အဲ့ မှာ ဆရာတော်သမတော်တွေ ပင့်ပြီး အဲ့ ငွေထုပ်ကြီး ရှေ့ ချ ရေစက်တွေချပေါ့ လေ...

အဲ့ အချိန် ကျနော်က မိဘတွေနဲ့ အစအဆုံးလိုပါနေခဲ့ ပြီး အဲ့ အိမ်ကို မရောင်းခင် ကျနော်က တစ်ယောက်ထဲ အိမ်စောင့် သွားလုပ်နေခဲ့ ရသေးတယ် အဲ့ မှာ ရယ်စရာလေးတစ်ခု ပြောရရင် အဲ့ အချိန်က မြို့ သစ်က အတော်ခေါင်သေးတယ် လူခြေလည်းမစိတ်လှသေးဘူး လျပ်စစ်မီးကလည်း အားနဲလို့  အိမ်အတော်များများက ရေနံဆီမီးခွက်တွေ အောက်လင်းဓါတ်မီးတွေသာ အသုံးများကြသေးတယ် လမ်းမီးတိုင်ဆိုလည်း ခရမ်းချဉ်သီးလောက် လင်းတာမျိုးပေါ့  အဲ့ တော့ မြို့ သစ်က ညညဆို အမှောင်ထုများတယ်ပေါ့ လေ လူသံသူသံကလည်း တိတ်တယ် ၊ လမ်းသွားရင် ကြယ်အလင်းရောင် လအလင်းရောင်နဲ့  တုတ်မီးဆိုကြတဲ့  လက်နှိပ်ဓါတ်မီးကြီးတွေသာ ဆောင်သွားရတယ် ၊ အဲ့ လို ဆိုတော့  အဖိုးအဖွားတို့ အိမ်မှာ ညစောင့်  တစ်ယောက်ထဲ အိပ်ရတော့  တွေးတွေးပြီး သရဲကြောက်တာပေါ့ လေ ၊

ဒါပေမယ့်  ဟန်ကိုယ့် ဖို့ လုပ်ပြီး အိပ်ခါနီးရင် အနားမှာ လေးခွတွေရော တုတ်ဓားရှည်တွေရော ၀ါးစိမ်းတုတ်ရှည်လေးရောချပြီး ခြင်ထောင်ထောင်အိပ်ရတယ် ဘုရားစာတွေလည်း စိတ်ထဲကရွတ်ပေါ့ လေ ၊ တစ်ခါတစ်ခါတော့  လမ်းမကနေ တွံတေးသိန်းတန်သီချင်းတွေ အရပ်ထဲက ကာလသားတွေ အသံပြဲကြီနဲ့ အော်ဆိုသွားရင် အားတွေဘာတွေရှိလို့ ပေါ အဲ့ အချိန် အိမ်လွမ်းချက်က ဘယ်လို လွမ်းမှန်းမသိဘူး အဲ့ လို လွမ်းနေတုန်း ပြည်ရထားဝင်လာတဲ့  ရထားခုတ်သံ ဥသြဆွဲသံ ကို ညည လူခြေတိတ်ချိန်မှာ အဖွားတို့ အိမ်ကနေ ကြားလိုက်ရတဲ့ အခါ မျက်ရည်တွေဆိုတာ စီးကျလာတော့ တာပါပဲ ချက်ချင်းပဲ အိမ်ကိုပြန်ပြေးချင်စိတ်တွေ ပေါက်လာတော့ တာပါပဲ ဦးအိမ်သတရပေါ့ လေ...

တစ်ခါတစ်ခါတော့ လည်း အဲ့ လို ရှေးဟောင်းနှောင်းဖြစ်လေးတွေ နှစ်ဖက် အဖိုးအဖွားတွေနဲ့ ပတ်သက်ခဲ့ တဲ့ အဖြစ်လေးတွေ ပြန်သတိရတဲ့ အခါ သိင်္ဂါရ အလွမ်းလေးတွေ ရင်ထဲ ဖြစ်တည်လာသလိုပါပဲ ..မြေးတွေအပေါ် ချစ်ချစ်ခင်ခင် ကြင်ကြင်နာနာ ရှိလှတဲ့  နှစ်ဖက် အဖိုးအဖွားတွေ သက်ရှိထင်ရှားတုန်းလေး..ဆုံဆည်းနေထိုင်ခွင့် ရလိုက်တဲ့  မြေး အဖြစ်ကလည်း ကံတစ်မျိုးထူးတာပါပဲလို့ လည်း တွေးမိတာပါပဲ ..

တစ်ခါက ငယ်ဘ၀မှာ..၊ ( ၂) ( ၃) ( နာရေး ) ၊ လူသေပုပ်နံ့ )

တစ်ခါက ငယ်ဘ၀မှာ..၊  ( ၂) ( ၃) ( နာရေး ) ၊ လူသေပုပ်နံ့ )
----------------
ကြံတောသုဿန်ကြီးကို မရွှေ့ ခင်ပေါ့  ၊ အဲ့ အချိန်မှာ ကြံတောနဲ့ မျက်နှာချင်းဆိုင် အခြမ်းမှာ ဝေဠုဝန်ရပ်ကွက်ကြီးဆိုတာ ရှိခဲ့ တယ် ၊ အခြေခံတွေ ခေါင်းရွက်ဗျက်ထိုးတွေ ဈေးသည်တွေစက်ရုံလုပ်သားတွေအများစုဖြစ်ပြီး လူစုံစရိုက်စုံပေါ့ လေ ၊ အဲ့ ဝေဠုဝန်ရပ်ကွက်ကြီးနဲ့  ကြံတောက နာနတ်တောလမ်းမပဲခြားပြီး ကြံတောက အထွက်ပေါက်နားက မျက်နှာချင်းဆိုင်မှာတော့  အသုဘကားအပှားလိုက်တဲ့ ဆိုင်တွေ အခေါင်းတွေရောင်းတဲ့ ဆိုင်တွေရှိခဲ့ တယ် ၊ ဝေဠုဝန်ရပ်ကွက်ကြီးရဲ့့ကြံတောသုဿန်ဖက်မျက်နှာမူထားတဲ့  မျက်နှာစာတန်းပေါ့ လေ

အဲ့ ရပ်ကွက်ကြီးထဲမှာ ကျနော်တို့ အမျိုးအိမ်ရှိသလို အဲ့ အိမ်မှာ ကျနော်တို့ မိသားစုတွေ ခဏ သွားနေခဲ့ ရဘူးသေးတယ် အဲ့ အ်ိမ်ပေါ်မှာပဲ ညီတစ်ယောက် သူငယ်နာနဲ့ မိုးတွင်းကြီး ဂိသွားခဲ့ လို့ ကြံတောထဲ အရပ်ကြေးနောင်ဆိုင်းဝိုင်းလေးနဲ့ နေ့ ချင်းချခဲ့ ရသေးတယ် ဓနချို့ တဲ့ နေချိန် ငါးခြောက် တစ်ခြမ်း အမြှောင်း နှစ်မြှောင်းကို သားအမိသားအဖ ၅ယောက်စာ ညမနက် ၂ နပ်စာရအောင် စားနေရတဲ့ ကာလတွေပေါ့ ၊ နောက်တော့ အဲ့ ရပ်ကွက်ကြီးကနေ နောက်နေရာတစ်ခု ထပ်ရွှေ့ လာခဲ့ တယ်ပေါ့ လေ ၊ ဒါပေမယ့်  ကျနော်ကတော့ အဲ့ ဝေဠုဝန်ရပ်ကွက်ကြီးထဲက အမျိုး ကြီးဒေါ်ကြီးတွေအိမ်မှာ ကျောင်းပိတ်ရက်တွေဆို ညသွားသွားအိပ် တစ်နေကုန်ကစားပေါ့  အဲ့ မှာက ကျနော်နဲ့ ရွယ်တူ အစ်ကိုတစ်ဝမ်းကွဲ (အမှန်က အမျိူးစပ်ရင် ဦးလေးပေါ့ လေ) ရှိတော့  ကစားဖေါ်ပေါ့ လေ၊

''ငွေလမင်းကို နမ်းတဲ့ ည''

''ငွေလမင်းကို နမ်းတဲ့ ည''
----------
အနုပညာစိတ်ရှိနေသူတွေ ရဲ့  စိတ်နှလုံးဝိဥာဉ်ဟာ သိပ်ကို ခံစားလွယ်တတ်ပြီး  စိတ်နူးညံ့ လှတဲ့  သဘောလည်း ရှိတတ်တဲ့ အကြောင်း မြင်လိုက်ရတဲ့ ကဗျာတစ်ပုဒ်ပေါ့ လေ  ၊

ကဗျာလေးက ချစ်စရာလည်းကောင်း ကြည်နူးစရာလည်း ကောင်းတယ် အက်ဆေးဆရာရဲ့  စာအတော် အများများဟာ ကဗျာ့ ခံစားမှု့ အကြောင်းလေးတွေ ပါနေတာ ၊

အနုပညာနယ်ပယ်ထဲက သူ အမှတ်တရ ဖြစ်ကျန်ခဲ့ သူတွေ စာတစ်ပုဒ် ပေတစ်ဖွဲ့  ရေးသား မှတ်တမ်းတင်ခဲ့ တာတွေဟာ အတော် စိတ်ဝင်စားစရာလည်း ကောင်းပါတယ်.၊

အခုကဗျာကလည်း  ဆရာမောင်ခိုင်မာရဲ့  ချစ်ဖွယ် လွမ်းဖွယ်တွေနဲ့  ရသမျိုးစုံပေးတဲ့ ကဗျာတစ်ပုဒ်ပါပဲ  ၊ ဒါကိုလည်း အက်ဆေးဆရာက ကဗျာတစ်ပိုဒ် စာတစ်ဖွဲ့ နဲ့ ကဗျာစာရသတွေကို
 စိမ့် ဝင်ခံစားပြီး အက်ဆေးတစ်ပုဒ် အဖြစ်စာဖွဲ့ ခဲ့ ပြန်ပါတယ်..ကဗျာလေးက သိပ်ကို လှပါလွန်းတယ်  လင်နဲ့ မယား ချစ်ခြင်းမေတ္တာ သဘောတွေ ကွင်းကနဲ  ပေါ်လွင်လှသလို
ကဗျာရှင်ရဲ့စိတ်သဘောတွေကိုလည်း  ဖြတ်ကနဲမြင်လိုရတာမျိုးပေါ့  

အထူးသဖြင့်  ကျနော်တို့ ကို  စဆွဲခေါ်ယူသွားတဲ့  အစပျိုး  ကဗျာ့ အပိုဒ်ထဲက  ''အပျိုတော် နတ်ချင်းက ''
 '' ညနေ ညနေ  စည်တယ်လေ စည်တည်လေ '' ဆိုတဲ့  စာသား နတ်ဒိုးသံ စာသားလေးဟာ ရိုးရာဂီတကို သဘောကျ ချစ်တတ်သူတွေအတွက် လွှတ်သဘောကျသွားတဲ့ စာသားမျိုးလေးပေါ့ ဗျာ..
။.

.(ဒီကဗျာကို ၁၉၈၆ သြဂုတ်လထုတ် မဟေသီမဂ္ဂဇင်းမှာ ဖေါ်ပြခဲ့ ပြီး ၁၉၉၀မှာ ကဗျာစာအုပ်ထုတ်တော့ ဒီကဗျာခေါင်းစီးနဲ့ ပဲ ထုတ်ခဲ့ တယ်လို့  အက်ဆေးဆရာက  ဆိုပါတယ်ဗျာ )

''ငွေလမင်းကို နမ်းတဲ့ ည''
-----------
ကျွန်ုပ် အိမ်မပြန်မီ
အပုပ်ချိန်ကို ကြံစည်မိ
ပုဂံပြည်အကြောင်း တွေးရင်း
ရှေးသီချင်း ဆိုမည်ပြင်တော့ 
ခင်ရေ
ညနေ  ညနေ 
စည်တယ်လေ စည်တယ်လေ..တဲ့ 
ရီဝေေ၀ ပါးစပ်ဒိုးနဲ့ 
နတ်ကိုးသံ မိုးပျံနေ။

အပူနာ မဟူရာညမှာ
သူရာကို ပူဇာစမိတော့ 
ဟာသလေး တရွှင်ရွှင်
အာလယဆေး တငင်ငင်
ဟေ့ ...မာနသွေး ယှဉ်ချင်ယှဉ်
မြင်မြင်ရာ အကုန်သောက်
မှတ်ပုံတင်ပျောက် ဘောလ်ပင်ပျောက်
ပိုက်ဆံပျောက် မျက်မှန်ပျောက်
ခေါက်ထီးပျောက် မီးခြစ်ပျောက်
ဟိုဆိုင်ရောက် ဒီဆိုင်ဝင်နဲ့ 
ဂန္တ၀င် အူရစ်တို့ 
ဘက်တူချစ်ဆွေ။

တစ်ညခင်း
လမင်းကို အဖေါ်ပြုခိုက်
ပျော်မှု့ တွေ အကုန်ပြေ
ထွေခဲ့ တာ အကုန်ပျက်
မိုးသက်လေ တဟဲဟဲ မိုးစက်ရေ တရွှဲရွှဲ
လျပ်စီးတွေ တရဲရဲ ဓာတ်မီးတွေ မသဲကွဲ
သရဲကြောက်တတ်တဲ့ မောင်ဟာ
မြို့ လယ်ကောင် သူရာတန်းက
ရွာမအိမ် အပြန်လမ်းမှာ
ကျောချမ်းလို့  ရင်ခုန်နေ
ခင်ရေ ..ခင်ရေ
ခင်ရေ  တံခါးဖွင့် ..။

''မောင်..
သန်းခေါင်ကျော်ပြီလေတဲ့  '''
မှောင်ထွေထွေ မျက်နှာထားနဲ့
တံခါးပေါက်မှာ
ခါးထောက်ကာ ခင်လာရပ်လေမှ
မြင်တတ်သူ ကဗျာဆရာရဲ့ 
အလင်္ကာ ချိုချိုနုပါဘိ
အို....ပျိုနုဆဲ ငွေလမင်းပါလားလို့ 
တံခါးအကွယ် တစ်ညသာမှာလ
ခင့်  ပါးပြင် အသာနမ်းတော့ 
(အဟမ်း) ကြာပန်းတွေ..ပွင့် ..။

---------------
'''အို....ပျိုနုဆဲ ငွေလမင်းပါလားလို့ 
တံခါးအကွယ် တစ်ညသာမှာလ
ခင့်  ပါးပြင် အသာနမ်းတော့ 
(အဟမ်း) ကြာပန်းတွေ..ပွင့် ..တဲ့ ..''.....သိပ်လှတဲ့  အဖွဲ့ လေးပါပဲဗျာ...။
--------
( မောင်ရင့် မာ (ကျောင်းကုန်း)  ရဲ့  လရောင်ရွာတဲ့ ရွာ )

'' ကျေးလက်က ချစ်ပုံပြင်..''

''  ကျေးလက်က ချစ်ပုံပြင်..''
--------------------
အက်ဆေးဆရာက သူ နှစ်သက်တဲ့ ကဗျာရှည်ကြီး တစ်ပုဒ်ကို အက်ဆေးတစ်ပုဒ်အဖြစ် ကဗျာတစ်ပုဒ် ခံစားမှု့ စာတစ်ပုဒ်အဖြစ်   တစ်ပိုဒ်ပြီး တစ်ပိုဒ် ပုံဖေါ် ဖွင့် ဆို ခံစားသွားပါတယ်..၊ အဲ့ ကဗျာလက်ရာရှင်က ကဗျာဆရာ ပုသိမ်အေးကျော်လို့ ဆိုပါတယ် ၊

ဒီကဗျာရှည်ကြီးဟာ လွန်ခဲ့ တဲ့ အနှစ် ၂၀ကျော်ကျော် ( ဆရာမကြီး ဒေါ်ခင်ဆွေဦး ပဲ့ ကိုင်မောင်းနှင်းခဲ့ တဲ့  စပယ်ဖြူ မဂ္ဂဇင်း ၁၉၈၆ နိုဝင်ဘာလမှာ ဖေါ်ပြခဲ့ တယ်လို့ ဆိုပါတယ် )
 ( အဲ့ ဒီကဗျာကို ဆရာမ စမ်းစမ်းနွဲ့  (သာယာဝတီ)ကလည်း ဟိုတုန်းက စာပေဟောပြောပွဲ့ တစ်ချို့ မှာ ထည့် ဟောဖူးခဲ့ တယ်လို့ လည်း အက်ဆေးဆရာကဆိုပါတယ် ၊  
 ဖတ်ကြည့် တဲ့ အခါမှာလည်း အက်ဆေးဆရာ ညွှန်မယ်ဆိုလည်း ညွှန်းလောက်ပါရဲ့ ပေါ့ လေ..ကဗျာ့ ခေါင်းစဉ်လေးက ''  ကျေးလက်က ချစ်ပုံပြင်..'' တဲ့ ၊
စ ဖတ်ကတည်းက  ကျေးလက်ရနံ့ တွေ ရနေလိုက်တာ ရနေလိုက်တာကနေ  ကဗျာပြီးသွားတော့   ရင်ထဲ မောကျန်ခဲ့ ပါရောဗျာ..။

'' ကျေးလက်က ချစ်ပုံပြင်..''
----------
ခွေးတစ်အုပ်နဲ့ 
ဗွေးတုတ်ရဲ့ ယောက်ျား
ဖိုးထွားတစ်ယောက်
ရိုးဖျားလျှောက်
ရွာနောက်က စားကျက်တော
ငှက်ပေါတဲ့ နေရာ
တောကြောင်ရှာ ခွေးအ..လိုက်
မြွေတွေ့ လည်းရိုက်..ဖားတွေလည်း နှိုက်ပေါ့ ။

ဆူးရစ်မြရာ
ကြောင်လျှာထမဆုပ်
နွယ်နီတွေ ရှုပ်ပေမယ့် 
ဗွေးတုတ်ရဲ့ ခြေရာ သည်တောမှာ
ဘယ်နေရာဘာရှိ  အကုန်သိ..

ကင်းပလင်ရွက် ဆူးရစ်ခက်
ဖက်နှင့် ထုပ် သပြေညွန့် တစ်ဆုပ်
 မှိုနုတ် မျှစ်ချိုး တောတိုးရင်း
မိုးဦးကျ တစ်မနက်
ဖလက်တက်တို့ အဖေ ဖိုးထွားငပေနဲ့ 
ရေစက်ပဲဆိုပါတော့ 

ဆော့ ရင်းနောက်ရင်း
ချော့ ရင်း မြှောက်ရင်း
သီချင်းတကြော်ကြော်
သီတင်းအပေါ်မှာ
သင်းခေါ်ရာလိုက်ခဲ့ ပေါ့ 
ကြာတော့ ကြာပြီ

ကလေးရှစ်ယောက် မျှစ်စို့ ပေါက်
ခရုကောက် ငါးရှာ
နွေခါ နွားကျောင်း ဆောင်းမှာ စာမောင်း
ရိုးစောင်းမှာ မိုးကုန်
လုပ်အားတွေ စုံလှ
ကိုယ်လုံအောင် မ၀တ်ရပေမယ့် 
မငတ်ရင်တော်ပြီ
ဆံပင်နီ မွဲခြောက်ခြောက်ခြောက် ကွေ့ ကလိန်ကောက်နဲ့ 
တစ်ယောက်မျှ မဖျား
တောက်လျှောက် ကြီးထွားခဲ့ ..

ဗွေးတုတ်မ ချွေးသုတ်ရပေမယ့် 
ခွေးအုပ်နဲ့ လူ
သူပြန်ရင်ဟင်းစား
ကြောင်သား မြွေသားခွေးအသား ယုန်သား
ဖားတစ်တွဲ ငါးတစ်တွဲ ဘယ်ရက်မှ မလွဲ
ဆန်နဲ့ လဲ ပဲနဲ့ လှယ် ဆီငရုပ်လည်းဝယ်

ဟော..ခုဆိုရင်
ပျိုဖော်ဝင်စ ဖူးညွန့် လှ
အကြီးမ မယဉ်မေ
အုပ်လုံးပင်ခွေ
သီချင်းသံဝေေ၀နဲ့ 

သူ့ အမေကောက်စိုက် သူလည်းစိုက်
သူ့ အမေတောတိုး သူလည်းတိုး
သူ့ အမေထင်းခုတ် သူလည်းခုတ်
သူ့ အမေကိုင်းရိပ် သူလည်းရိပ်
သူ့ အမေငါးမမှား သူလည်းမျှား
သူ့အမေပွဲသွား သူလည်းသွား
သူ့ အမေ အိမ်ပြန်  သူမပြန်.....

သီချင်းသံဆိတ် ၊ ခွေးလည်းအိပ်
တံစက်မြိတ်တိုင် ၊ ဗွေးတုတ်မထိုင်လို့ 
ငိုင်ငိုင်ကြီးငေး ၊မှိုင်မှိုင်ပြီးတွေးနေပေါ့ 
ကျေးလက်ကချစ်ပုံပြင်။..။
-------------------------

'' ကဗျာဆရာက ဗွေးတုတ်မ ဘယ်လိုခံစားနေရတယ်ဆိုတာ တစ်ခွန်းတစ်ပါးဒမျှ ၀င်မပြောသွားပါဘူး ၊ ဗွေးတုတ်မရဲ့  ကြေကွဲနာကျင်ဖွယ်ရာ ပြောဆိုငိုကြွေးသံကိုလည်း မကြားရပါဘူး၊ သို့ သော် တေးသံဝေေ၀ ဆိတ်သုဉ်းသွားတဲ့ တဲအိမ်ကလေးတစ်လုံး၊ သူ့ သခင်မလေးကို မတွေ့ ရတော့ လိ်ု့  ငြ်ိမ်ကုပ်ပြီး ခွေအိပ်နေတဲ့ ခွေးတစ်ကောင်၊ပြီးတော့  ယိုင်ရွဲ့ ရွဲ့  တံစက်မြိတ်တိုင်ကို ခြေပစ်လက်ပစ်မှီထိုင်ပြီး တွေးချင်ရာတွေး ငေးချင်ရာငေးနေတဲ့  မိန်းမတစ်ယောက်။ ''

ကဗျာရဲ့  နောက်ဆုံးအပြဟာ ငြိမ်ဆိတ်လှပါတယ် ..

'' သမီး မပြန်လာတော့ လို့  ဟာလာဟင်းလင်းဖြစ်သွားတဲ့  ဗွေးတုတ်မ မိခင်ရဲ့ ရင်ဗလာထဲမှာ တစ်ခါက မှိုနှုတ်မျစ်ချိုး တောတိုးရင်း ဖလက်တက်တို့  အဖေနဲ့ ဆုံဆည်းခဲ့ ဖူးတဲ့ ချဟ်ပုံပြင်ကို ပြန်သတိရနေတော့ မှာပဲ။ ကဗျာဆရာပြန်ပြောလိုက်တဲ့  ချစ်ပုံပြင် လေးနှစ်ခုကတော့  ကဗျာဖတ်သူရင်ထဲ ဆွေးဆွေးနွဲ့ နွဲ့ နေရာယူပြီး စကားတွေ အများကြီးပြောနေတော့ တယ်၊ တိတ်ဆိတ်ခြင်းရဲ့  အသံနဲ့ ပါပဲ '' ။

( မောင်ရင့် မာ (ကျောင်းကုန်း)  ရဲ့  လရောင်ရွာတဲ့ ရွာ )